新居啟動之肆拾貮 - 廚廁鋼配件

尋晚收工後去咗旺角買啲嘢先去新屋視察，依輪都係行呢個模式，因為工作繁忙，都要「揸」緊時間逐少逐少買呢啲嘢。

今晚就買咗工人厠個Steel King鏡櫃，同埋掛喺牆上面條Day&Day不鏽鋼通，好似話好耐用嘅。個鏡櫃都激死人，上個週末睇啱咗個大特價鏡櫃，$8xx減到四百幾，但因為想對下尺寸先，所以無即刻買到，估唔到尋日啱啱賣晒啦！結果都係畀$438買咗個細兩個size嘅……所以真係抵嘅就要趁手呢。

原本仲想買埋啲櫃抽，但間鋪頭話要灣仔間分店先有賣上面嗰隻用304鋼嘅，其他例如下面嗰隻都係202不鏽鋼。