之前嘅一篇entry都提過我其實已經喺個面盆上花咗好多時間，亦都已經訂咗個闊380mm嘅Roca盆，雖然佢係無開孔，但係都已經係我見個其中一個比較窄而我又喜歡嘅盆。
點知尋日師傅話個盆都係太闊！(￣O￣;) 有無搞錯？！話咗買呢個盆好耐啦，又唔早啲講。仲有呀，如果一早知道你個闊度唔可以超過400mm，我之前就唔洗盲頭烏蠅咁啦，嗚嗚……
點都好，一切都係因為浴室唔夠大，而家唯有做好啲去補救。所以我今日lunch時間即刻過灣仔睇盆，同埋去返上次訂盆間鋪睇下有咩嘢換。唉……點知真係無乜好換，第一，佢無更窄嘅盆；第二，我大部分潔具都已經買咗，只剩返工人廁洗手盆同廚房星盆未買；而工人廁洗手盆，佢最細都要14'乘14'，太大了，所以只可以換星盆。
本來我係考慮緊其他牌子的，亦希望個盆尺寸可以大一啲，不過因為呢個變動，一切都變得好簡單。Idecor，最後買咗呢個牌，香港牌子大陸造，都話有1.2mm厚嘅，18'乘16'，比理想細一啲，無妨，起碼快快解決件事。
 |
| 最後買咗呢個，畀得嗰九折 :( |
呢個entry主要係想發洩一下對師傅嘅負面情緒，唔係真係驚個人會爆。
最後，等我分享下幾個香港有得賣而又無乜舖代理嘅，我覺得，如果要追牌子，應該要畀多啲選擇自己，除咗blanco同franke，應該仲有其他；同埋要用啲信得過嘅，網頁都無個點信呀？
第一個係Reginox，荷蘭皇冠牌，有中文網頁，不過係新加坡based的，得一間灣仔近銅鑼灣有賣，千尾有交易；大陸都無得賣，喺淘寶search過，得入口貨，五千人仔至過萬、台灣都係賣差唔多。所以我覺得值得介紹下，雖然我今次已經無機會試，鳴鳴……
第二個係Elkay，美國公司，已經打入中國，有理由相信佢喺中國賣嘅產品都係大陸造，淘寶都有唔少佢品牌嘅嘢，即使係咁，佢喺大陸品牌之中都係貴嘢，相信個品牌都值啲錢，唔會入咗大陸市場就賣cheap晒。有趣嘅係，旺角同駱克道並無見到有賣呢個牌子，官網有電話同地址，公司似乎喺北角，大家有興趣可以研究下，我有機會都想聯絡吓佢哋，我覺得質量未必唔好，性價比可能幾高嘅。
第三個係Moen，都係美國公司，主要市場喺北美，亦都係已經打入中國，而家應該算係合資公司。喺香港要行砵蘭街行到去近太子嗰邊先有一間賣呢隻牌子，都係千零蚊貨仔，相信都係大陸貨，不過都係呢句，當市面上全部二千蚊樓下都係大陸造嘅，我都會揀有牌子多過雜牌。似乎都係大陸嘅高檔貨，可以去淘寶落單。
 |
| Steel King，呢個啱size，不過搵唔到任何網頁， 話係台灣造但喺google搵唔到提呢個牌子嘅台灣網頁 |
呢個entry主要係想發洩一下對師傅嘅負面情緒，唔係真係驚個人會爆。
最後，等我分享下幾個香港有得賣而又無乜舖代理嘅，我覺得，如果要追牌子，應該要畀多啲選擇自己，除咗blanco同franke，應該仲有其他；同埋要用啲信得過嘅，網頁都無個點信呀？
第一個係Reginox，荷蘭皇冠牌，有中文網頁，不過係新加坡based的，得一間灣仔近銅鑼灣有賣，千尾有交易；大陸都無得賣，喺淘寶search過，得入口貨，五千人仔至過萬、台灣都係賣差唔多。所以我覺得值得介紹下，雖然我今次已經無機會試，鳴鳴……
 |
| 喺灣仔見到呢個Regionox，本來想買呢個試吓， 佢話呢個係最後一個，以為已經賣晒喎，折實啦喎…… |
第二個係Elkay，美國公司，已經打入中國，有理由相信佢喺中國賣嘅產品都係大陸造，淘寶都有唔少佢品牌嘅嘢，即使係咁，佢喺大陸品牌之中都係貴嘢，相信個品牌都值啲錢，唔會入咗大陸市場就賣cheap晒。有趣嘅係，旺角同駱克道並無見到有賣呢個牌子，官網有電話同地址，公司似乎喺北角，大家有興趣可以研究下，我有機會都想聯絡吓佢哋，我覺得質量未必唔好，性價比可能幾高嘅。
第三個係Moen，都係美國公司，主要市場喺北美，亦都係已經打入中國，而家應該算係合資公司。喺香港要行砵蘭街行到去近太子嗰邊先有一間賣呢隻牌子，都係千零蚊貨仔，相信都係大陸貨，不過都係呢句，當市面上全部二千蚊樓下都係大陸造嘅，我都會揀有牌子多過雜牌。似乎都係大陸嘅高檔貨，可以去淘寶落單。
