新居啟動之五 - 掙扎於面盆之間

尋日講到我哋去到荃灣就好快決定咗啲龍頭潔具，但有一樣嘢係我真係諗咗好耐、睇咗好耐，就係洗手盆。洗手盆師傅話要窄啲，等廁所嘅空間大啲，就係因為呢個要求，搞到我遲遲未揀到心頭好，原來窄嘅面盆係好少嘅。

不過又咁講，其實我都有啲要求，我唔想要台底盆，又想要方型盆，夾埋幾項要求之後，就會發現選擇真係唔多。

睇過TOTO、Roca、Kohler，連IKEA都考慮埋，原本覺得呢個IKEA LILLÅNGEN盆ok，不過我發現佢配件好似膠造，同埋台灣有網友話歐洲制式喉未必啱駁。

於是我最後都係買咗Roca呢個Diverta盆，$880加8折，不過畀咗錢先知無送貨，嗰$700貨仔，無計。

中間仲有兩日差啲畀個sales sell到，想買個TOTO嘅台上盆L710CJ，成$2000，佢話襯返個座廁隻白色喎，好彩最後抵得住誘惑……

始終面盆都係消耗品，貴啲唔知真係有幾好喎。