因為尋日見到師傅已經差不多飲晒上個禮拜買啲飲品，所以今日又上咗新居。一日時間，唔可以話見到好多進展，我亦無乜basis去判斷進展係快定係慢。不過我見到廚房牆磚亦開始鋪了，有啲磚浸緊水，好奇問下師傅，佢話磁磚係要浸水先用得，高溫磚先唔洗浸，又學到嘢呢！
 |
| 呢個係鐳射工具，用嚟畫直線鋪磚嘅 |
除此之外，浴池嘅防水工程亦有進展，今日浴池池身上咗黑色嘅防水膜，一入廁所已經聞到股有機溶液味，好緊張呀，千祈唔好漏水呀唔該！我希望浴池底已經做晒防水料啦，依家都verify唔到喇。
加油呀！我今日都買咗部洗衣機，有進展㗎，無揸攤！
沒有留言:
發佈留言