新居啓動之九 - Floor Plan

發現原來我無post過新居嘅floor plan，喺呢個entry補返先。

個floor plan就幾正路嘅，我哋都無打算做啲咩大改動，太太比較傳統，唔喜歡開放式廚房同埋將啲房打通嘅，我當然係無乜所謂啦。唯一要搞嘅係工人房同工人廁，其實原則係有個細細嘅工人廁同房嘅，不過上手業主因為唔鍾意廚房門對正個門口，所以封咗道門同埋拆咗個工人廁及房嚟喺另一邊出入。咁做法令個廚房好鬼大囉，其實我好歡喜，不過太太唔喜歡同工人share廁所，所以寧願放棄倘大嘅廚房。但係太太亦都唔喜歡廚房門對正個門口，所以師傅都花咗啲心思喺個間隔上。

最後，工人房會用咗門后個鞋櫃位，一半會留喺個廚房度。但個房就會好窄，得兩尺半（後來得返兩尺三……），都有唔好意思嘅，但係都無乜計。

Floor Plan主要由師傅度尺同畫，我後來只係用floor planner 將佢畫得靚仔啲，同埋度下尺寸等我畫櫃樣有得參考下。效果唔錯喎，後來我知道市面上呢啲app有大量，我都無逐個試，亦唔需要咁樣做，哈哈！