聽日係decision day。點解？因為又俾師傅迫住要買廚房星盆了。唔緊要，聽日食午飯過灣仔，即刻攪掂佢！
不過呢單嘢都拖咗一排架喇，問題喺邊度呢？
就係因為網上嘅資料同意見不多，亦唔覺有啲乜嘢教材，所以始終唔係覺得好comfortable。不過唔緊要啦，既然聽日要下決定，自然會有所選擇喇。
係咪因為大家都覺得廚房星唔係一樣好重要嘅嘢呢？如果唔係點解網上得咁少資料呢？有個view係，星盆係菲傭用嘅嘢，買得靚佢哋都唔會錫住用，well，又唔可以話錯嘅，所以我都會set返個低啲嘅預算，幾千甚至過萬買個星盆？Sorry, no chance.
由於香港網上資料不多，今天看了較多外國嘅資料，不過似乎外國大賣嘅牌子（例如Elkay、Moen），香港都無乜賣，出名嘅只有Blanco同埋Franke。無論如何，網上一般指牌子影響不大，反而係鋼材嘅厚度較為重要。美國的網頁都建議16或18 gauge嘅星盆，以不鏽鋼嚟講，就係1.5mm或1.2mm，我行咗旺角、灣仔N轉，就唔係好覺有1.5mm嘅盆喇，所以聽日我一定只會買1.2mm嗰啲款。
另外，除咗兩隻大牌子，同埋一隻香港牌子，其他香港賣嘅牌子，上網都唔係好搵到佢哋嘅網頁，好似係作嘢咁，一隻話德國、一隻話係台灣，其實可能只係大陸做嘅OEM，雜牌的，呢樣都令我覺得唔係好舒服……雖然佢哋個樣都唔係唔用得……
P.S. 星盆喺大陸同台灣都係叫「水槽」，google呢個字會有唔少資料，呢個blog似乎唔錯，係廣告又如何？
沒有留言:
發佈留言