補充尋日，啲磚送咗嚟喇，我覺得幾好，感覺做咗一年成功嘅事！
首先，睇下啲木紋磚先。呢隻係意大利牌子RAGNO，薰衣草木色，價錢以意大利磚嚟講唔係高級貨，不過我哋覺得係good deal！上網查過佢間廠嘅資料，唔差架喎。真貨摸上手同買貨時一樣，鋪好咗之後希望效果一樣咁好啦。
跟住就到浴室用牆、地磚，接受咗大部分人嘅意見，浴室內全部用同一隻磚。本來已經決定咗用大陸磚，因為真係覺得歐洲磚好貴，但係點知喺落單前一日俾我發現到呢隻做緊特價嘅西班牙磚，摸落去效果理想，顏色亦係我哋想要嘅，價錢一呎竟然唔洗廿蚊？
呢隻磚牌子係Zirconio，西班牙做，睇網頁好似OK喎，查下同一隻磚（Radica Marfil）第二度賣幾錢，原本喺波蘭有個網站都要賣港紙40蚊呎呀，陸路運輸咋喎……咁我買咪好平囉，呵呵！
至於呢隻黑色磚會做廚房地台同埋工人廁地台嘅，係大陸磚，查到係佛山廠（http://qualicer.com.cn/home.php），唔算平架，都要18、19蚊呎呢，所以效果唔錯喎。
廚房牆身就用呢隻，貪佢簡簡單單又便宜，都係大陸貨，睇唔到寫咩牌子喎。
最後呢隻，仲平啲，做工人廁牆身，白雪雪加小小紋嘅，平得嚟都唔覺cheap，揀咗好耐架喇……
沒有留言:
發佈留言