所以我哋喺師傅嘅催促之下又踏上咗揀木門之路
師傅話夾開泰華木業，所以建議我哋去嗰度睇
我哋睇完灣仔間泰華之後，仲睇咗隔離間三木同和富
發現三木啲款潮好多，仲平過泰華
問下師傅幫襯其他有無問題
佢話夾開又話乜乜
本來我哋諗住唔鬼理佢，照幫襯隔離
點知師傅玩嘢喎，話門框唔包
好彩我睇返個報價，話明包門框嘅
大大佢之後，佢竟然話包白木框，即係最cheap嗰隻
其實由頭到尾，當佢記錯咗以為唔包門框時，佢都係話應該買環保框
點知知道要包框之後，佢竟然話只包白木框
真係火都嚟埋
最後佢話總數加多一千，全部做環保框，我哋算數，唔同佢計較！
咁於是我都識做去返泰華，等佢個成本好啲控制
我都知咩事嘅
唔駛去咁盡……係咪？
最後揀咗第二款個樣，但用第一個款內嗰隻木色，做大門。
房門、浴室門就用呢隻款，不過都係要轉色，用下面隻淺木色。
廚房門就用呢隻，個窗口會做細啲，因為怕BB會敲爛玻璃。
沒有留言:
發佈留言