之前去旺角都見到好多五金鋪有鎖賣，咩款都有，問阿姐A款同B款有咩分別，佢話差唔多，都係睇款為主喎，當然，都仲有唔同嘅牌子嘅。有一、兩個牌子係以色列牌子，可見佢哋國家喺加密、保安方便有其所長。
不過，行咗一兩轉後我就鎖定咗用電子鎖，無他，好似比較特別，又型啲。將來世界都會以電子鎖為主，不妨今天就成為潮流嘅一部分啦。
至於電子指紋鎖，比較多人選擇嘅有三星、耶魯，同埋後來遇到人極力推廣嘅KABA。本來我已經確認想買耶魯隻指紋鎖，貪佢出名做鎖，喺鎖膽嘅技術同質量都有保證，而佢電子鎖部件就由gateman負責，係韓國公司。亦因為咁，我之前無考慮三星，諗住佢個鎖普通，我亦有喺網上見到壞鎖嘅報告。
點知當我去荃灣落單時，佢就說我買KABA，話呢樣好嗰樣好，自己買都會買KABA云云。當時我都唔知原來KABA係國際大廠，話香港啲醫院、MTR都係用佢，所以鎖膽都有耶魯咁嘅質素，而電子佢亦有優勝之處。
謝幕……！
沒有留言:
發佈留言