以裝修咁耐而來，冷氣安裝似乎係其中一樣最麻煩嘅工程，因為安裝冷氣要另外搵冷氣師傅，而且一切「魔鬼在細節裏」。買機固然係一筆洗費、但安裝洗費才真正甘香，基本安裝一筆、鋁架一筆、鑽牆一筆、鑽牆後泥水修補一筆，還有要替外牆喉管髹漆，可以話工序繁複，對我呢啲無經驗嘅人真係一大挑戰。
後來我已經放棄了「錢」嘅概念，只期望一切完滿解決，不過最後原來只係我一廂情願咋，後面有好多嘢要執手尾呢，其他地方慳幾百，裝冷氣隨時蝕返幾千蚊……
點都好？暫時成為過去，向前看！
咁我都總括一下啦，埋單一共買咗4部冷氣：
客飯廳-1部2匹，Rasonic窗口機，人哋話Panasonic同Rasonic一個廠，只係market個品牌唔同，唔敢講係咪，但個型號同個樣一樣咁滯，平一千蚊一部，就係咁。本來想裝分體，不過因為有燈槽，個出風機會好矮而作罷。仲有，2.5匹以上就已經得返2級能源標籤，即係嗰半匹會畀得好唔抵，亦因此作罷。
主人睡房-大金1匹冷暖變頻分體。大金口碑最好，本來想全屋都用佢。冷暖只係比淨冷貴幾百蚊，仲有變頻，真係不二之選。
書房-大金1匹淨冷分體。始終書房真係唔洗暖氣，所以慳返啦。
小童睡房-4分3匹Rasonic窗口機。基本嘢，最簡單就係呢個。
分體機我全部揀咗唔見喉嘅做法，將膠喉藏喺牆入面，冷氣喉就走膠喉出，咁樣會美觀啲嘅。其實，裝冷氣都係辛苦錢，技師們都受了皮肉之傷，所以我都無諸多要求，係戇居都算啦，幾百蚊，有時啲人畀利是都畀咗啦。
 |
| 拆落嚟嘅舊冷氣機 |
 |
| 連窗都拆咗落嚟，技師成個人行咗出去 |
 |
| 主人睡房嘅大金冷暖變頻分體 |
 |
| 仔仔房嘅窗口機，間房已經髹咗紫藍色 |
沒有留言:
發佈留言