BB攻略之叄 - 嬰兒揹帶

除咗嬰兒床、高櫈之外，當日AEON減價我哋仲買埋嬰兒揹帶。同浴盆一樣，佢哋又係有N隻牌子，價錢個range仲大，由三百蚊到千零蚊都有，有大牌子亦有啲未聽過嘅。

大牌子有Aprica、Combi、Chicco，其他有隻日本造嘅叫Eightex，再之外就係台灣貨，最平好似係呢啲。

Chicco喺AEON只有隻2 way，所以就rule out咗，唔想再花時間揾了。

台灣貨平咗一截，有啲令人唔放心，始終揹帶都關乎BB安全，買個心安都要嘅。

反而我以為太太會fancy日本造嘅Eightex五合一BB揹帶，佢一向唔太放心大陸造嘅貨品嘛。

但估唔到佢都只係稍稍掙扎就集中考慮Aprica同埋Combi，兩個都係日本牌子，但係就大陸造，不過太太覺得都要達到某啲標準嘅，相信日本人都係用呢啲貨啩。比較Aprica同Combi兩隻之後，包括質感、質量等等，最後我哋就揀咗Combi嘅Premiumbreezing，今日件貨都到咗喇，係適合男仔嘅藍色㗎！