新居啟動之伍拾伍 - 接近埋尾進度報告

今日趁住可以早啲收工上咗去新居𥄫𥄫。師傅一家三口同一位木工師傅都在場，因為吹水時間用多咗，無乜影相，遲啲先補返。

食飯時間我去咗駱克道買咗兩隻方型嘅「肚臍抽」，係用喺我個洗手盆櫃嘅，都一併拎埋上去。

另外，亦安排咗送德國寶嘅抽油煙機過嚟，相信好快就會裝埋㗎喇。佢叫我約埋個煤氣爐同焗爐安裝𠻹……今日真係見到有好多嘢埋緊尾，連Corian都裝埋喇。

油漆就全部已經搞掂，幅啡色牆唔錯，達到了心目中嘅效果。

廚房度趟門都裝上了，呢個花紋師傅話拼得幾好喎……嘿嘿