GG土耳其之夏之伍 - 伊斯坦堡街頭小吃

雖然我話伊斯坦堡比好多歐洲城市更歐洲，但無可否認，佢亦包含了好多亞洲風味，例如土耳其人嘅熱情、Bazzar嘅熱鬧、無序感，及街頭如過江之鯽嘅小食店。

我兩口子對食最為敏感，街頭小吃也試了一些，以下只是稍為分享一下。Turkish delight當然唔算街頭小食，不過係土耳其小吃嘅一絕，所以順帶提一下吧。

燒粟米同烚粟米，以我所見應該係最受歡迎嘅食物，我們在旅程最後一天終於試了一條燒的，你睇太太食得幾咁開懷？

 

呢間Turkish delight舖頭出名㗎，location又好易揾，試食又疏爽，呵呵。一試就知同人哋買做紀念品嘅差幾皮！我哋買咗好幾款試食，最後下面中間有糖霜包住嗰隻跑出咗，我哋買咗五、六條返香港慢慢食。真係好味的，唔太甜、又果味濃郁！

 

呢隻就係土耳其雪糕dondurma喇，佢比我哋平時食嘅雪糕係杰啲同有嚼勁嘅，感覺都幾得意嘅，大熱天時就更加可愛了。

 

由old town到Galata嗰邊有一條跨海大橋，橋邊似乎長期都有無限咁多人在釣魚，橋下有一連串嘅做遊客生意嘅海鮮餐廳，一副遊客陷阱的樣子。不過，有一樣食物是地道的，它就是fish sandwiches。簡單的麵包上夾一塊煎魚，價錢只係3.5里拉，真係抵，至於係咪好好味就見仁見智了，都ok嘅，而是幾有風味𠻹……