新居啟動之伍拾貮 - 燈槽完成

嗰日師傅話買住8盞LED射燈，唔夠先再買，轉頭佢已經叫人開了8個射燈孔，我心諗，咁即係都決定咗啦，哈哈。

今日上去就見到燈槽已經完成，用新裝嘅奇勝E3000 2-way制亦可成功控制。

師傅話隻T5光管係米黃色，但今日日頭望落似偏白，搵日夜晚去睇下接唔接受到先！相片上話係840色，網上啲人話呢個係柔白色，辦公室多數用呢隻喎……辦公室？！

無論如何，我都好有成功感呀！終於都行到呢一步喇！