自我反省

如果，如織田信長所講，人生只有五十年，咁我嘅人生已經過咗三分之二；又如果呢五十年係由十歲先開始計，咁都算過咗一半。

喺呢一半嘅人生，稍為反思一下，會發現自己經歷嘅轉變都幾大，可以話由一種人變咗做另一種人，大概就係由細路變咗大人吧（笑！）。

由借書睇到買書睇，由睇科普書籍到睇人文科學書籍。最近睇嘅都係歷史書或歷史小說、同埋語言學有關嘅書。反而科學最尖端嘅已經追唔上，因為始終唔喺嗰行，唔係生命嘅一部分，新嘅學說固然有其尖端之處，但未能夠畀到嗰種滿足好奇心嘅快感，因為我已經知道了大概，其他都係細節，要累積夠啲advances先至夠畀到新鮮感、滿足感。

歷史有關嘅書籍真係讀極都讀唔完，買到一書架都係都睇唔晒，當然我都無畀好多時間睇，但我一本書都係新世界，令我覺得學到嘢。

語言學呢，我覺得係一門好似演化學嘅人文科學。因為無人知道語言喺有文字之前係點嘅，好明顯人係識得講嘢先過識得寫字同使用文字，而且我哋香港人都知道，寫嘅同講嘅都係唔同，文言文就係一個絕佳嘅例子。所以對語言嘅理解要靠文獻同埋推斷，亦要靠證據去確立推斷嘅可信性，完全係科學嘅基本，係好有趣嘅一件事。當然，我係以科普嘅角度去睇呢件事，當故事書咁去理解。嚟緊我仲想瞭解多啲，但我嘅語言造詣只係一般，相信最後都只會停留於興趣班之流。

愛上了網上購物！http://buyusgood.blogspot.hk/

http://buyusgood.blogspot.hk/

自從BB出世之後，自己同老婆對歐美牌子嘅需求大增，始終用喺仔仔身上嘅嘢，歐美牌子畀人嘅信心都係大啲，即使都係大陸造，QC要求都唔係一個層次。

亦因為咁，我就開始咗玩網購，搵埋好多好抵嘅貨品，計埋運費仲要平過香港大減價，忽然間覺得日日都好似賺咗咁！

因為已經慳咗好多，都好想同大家分享吓，所以開多咗個blog，有興趣嘅就睇吓啦，幫襯嘅話都係微利㗎咋。

BB攻略之拾 - Hip seat試過就返唔到轉頭

之前喺blog度分享過買嬰兒揹帶嘅經驗， 點知道後來試過用hip seat之後， 就幾乎無用過咁滯， 因為基本上佢哋嘅功能 差唔多， 但係hip seat 使用時好似簡單好多。
所以 揹帶只係喺BB三幾個月大之前有用，大到條頸有力 之後 就可以轉用hip seat。 揹帶買得貴都無用， 除非堅持唔用比較方便嘅hip seat。
至於hip seat， 我見大部分的朋友都同我地一樣， 係用同一個韓國牌子，i-angel， 似乎都無乜其他選擇， 而且此乎幾好評價， 間唔時仲有得團購呢！

韓國遊蹤之二 - LG U+ 隨身WiFi用後感

六日五夜嘅旅程之後，我已經認定隨身Wifi係旅行不可或缺嘅一部分。LG嘅4GWifi仲快過香港嘅3G，去邊都唔會斷線，加埋Google Map根本就唔會再蕩失路了，想食乜嘢都可以搵到，旅行嘅方式已經因為科技進步而改變。

LG部機嘅唯一缺點係電力存續，五個小時左右已經必死了。要叉多舊隨身電畀佢用至得，或者每次都熄機慳返啲電。

韓國遊蹤之一 - LG U+ 隨身4G WiFi

同小翔兩個去旅行上次原來已經係2007年嘅事。今次我可是忍著放下BB六天來去韓國的，亦因此我一定要帶一部隨身wifi或買電話咭上網。等我隨時可以同屋企聯絡同睇住個cam，仲可以拍片畀BB睇。

稍為做少少功課，我就決定用LG U+嘅4G LTE plan。unlimited data、用五日以上只係5500won一日，比3G plan唔係差好遠。實際試用後得出效果一流，依家我喺往江原道江陵嘅公路上，上網依然留暢無斷線。

我呢舊就喺機場9號同10號門中間租嘅，見到SK個10號同11號門中間個counter就再往9號方向前進即可。

GG土耳其之夏之玖 - 惑於Cappadocia之森（上集）

在一早玩過熱氣球之後，我哋返酒店休息了一下同嘆咗個正早餐，然後我哋又透過酒店叔叔BOOK咗個local tour，主要係行吓Cappadocia有名嘅景點，喺嗰度，唔租車或跟團係唔得架，我哋第一日就行咗好耐，雖然自己行都有好處，不過去稍為遠啲嘅地方就唔可以了。

呢個local tour帶咗我哋去一兩個valley睇奇石，跟住去咗一個地下城參觀，又去咗個河谷遠足咗一陣，大開眼界咗一輪之後，就已經到咗黃昏時分了，都係無乜好講，睇相啦……哈哈！

 

 

 

 

GG土耳其之夏之捌 - 奇妙熱氣球體驗@Cappadocia

在伊斯坦堡留了四晩之後，我倆向Cappadocia進發了。一大清早便搭飛機到Kayseri，找到了約好的司機便往Göreme出發。

Cappadocia在香港旅行團嘅土耳其團中被稱為「奇石林」，顧名思義，當然係怪石處處，密集成林了。據說星戰電影就喺度取景，呢度又確實係似外星地貌嘅。

嚟到Cappadocia，乘坐熱氣球睇日出同從高空觀賞奇石係一大亮點，在book酒店時我已經順便book埋，我相信大部分酒店都會有類似嘅安排，標價應該是€150一位，酒店就offer€110一位，友情價是也，我不敢再議價了，熱氣球太平我也不敢坐呢。

草草地瞓一晚便要出發了，四點前就要出發，當時係七月，日出時間很早，遲了就睇唔到日出，早啲起身仲可以多啲時間玩，我哋仲book咗個local tour，等返嚟之後再出發的。不過，雖然係早，但一路上已經見到好多熱氣球充好氣，隨時可以出發的樣子，反而，我哋個熱氣球就仲準備中，未得住，呢段時間我哋就食下啲餅乾、咖啡醫下肚先，見到有日本或韓國團準備咗即食麵，真係周到！

等吓等吓，身邊已經有好多升起咗嘅熱氣球，到我哋個氣球都升圯咗，我哋就踩上去了。一個籃坐十個人左右，唔算寬敞又唔算逼嘅，不過如果要自拍就要大家遷就吓囉。

氣球升起時其實天已經白晒，可幸之處在於有個山丘，太陽會喺個山丘後面慢慢升上嚟，我哋都算睇到有日出嘅效果，日出之後氣溫明顯高返，真係唔知如果冬天嚟會係點樣……

 

 

 

至於上咗天上面之後嘅嘢就唔寫了，睇相或睇片就夠了，感覺真係好正！熱氣球本身已經係一好特別嘅活動，而加上Cappadocia嘅奇異風光，絕對係一絕。最緊要帶定足夠嘅memory card，拍片拍照都唔少得，我當時用電話影咗好多相，點知唔記得backup，部iphone瓜咗就無晒成個土耳其trip嘅相，真係諗起都心傷……

 

 

 

新居啟動之柒拾壹 - 窗簾完工篇

這算是「駱駝背上的最後一根稻草」嗎？嘻嘻、連窗簾都安裝好了，只等我們搬入去了。

看上去還不錯吧！

新居啟動之柒拾 - 燈飾貨到安裝

上次提過喺元朗合益路一間叫巴黎站嘅燈鋪買咗4盞燈，週末安裝了，姑且貼上來紀念一番。

效果不錯，算是同心目中的預期效果一樣吧。房燈就比較簡單，也是幾百蚊的貨色，所以評價一般，哈哈。

新居啟動之陸拾玖 - 宜家衣櫃及書枱製成品

早前喺宜家訂嘅書枱同衣櫃星期二晩到咗，upload返上嚟留個記錄啫。

講開呢兩件嘢，我就真係有啲失策，度牆身闊度時竟然睇漏咗個燈制，結果攞得太盡，個櫃擺好位後遮住咗個冷氣開關制，要將個櫃拉離牆一啲先得；然後我又忘記咗冷氣機嘅厚度，以為個櫃可以泊埋道牆，而條陣會頂住，所以買咗個200cm高嘅櫃，點知個冷氣機都係頂，所以又係要拉出啲，條陣一啲影響都無，早知可以㨂個236cm高嘅櫃啦……真係失禮呢……